اقوى قصيده عن الخيانه والغدر

[..:: I love me ::..]

---

---

اقوى قصيده عن الخيانه والغدر

بسم الله الرحمن الرحيم

بكون اول من يحط موضوع عن القصيــد

وهذي قصيده تتكلم عن الخياانه والغدر.. اتمنى انها تعجبكـــم اتركم معها ..





لا ردك الله لا ولا اطلب ترديــن ......ادعي عليك بعثرة فـي صلاتـــــــي
عثره تشلك ما بعدها تقوميـن ......يا قاتلتني يوم صرتي حياتــــــــي
خدان لك بالقلب كانت بساتين ......وريضان وغصونا بها يانعاتـــــــي
كنتي مناة القلب والروح والعين ....واليوم عينك يعلها ما تباتـــــــــي
كنت أحسبك للعهد والحب توفين ..قلتي الغدر بالحب ماهي بسواتــي
وحلفتي يمين الله ما منك اثنتين.......وانك ملاك دون كل البناتـــــــــي
وانك على عهد المودة تسيرين ....ولا تسمعين أهل الحسد والوشاتـي
وصار اليمين ستار خلفه توارين .......ورماح غدرك بالخفا مشرعاتـــي
وبان الغدر سم جرى بالشرايين ......الله عسى يسقيك سم الفعاتــــي
كلي سقيتك حب واليوم تنسيـن........تقولين حلم ايام واليوم فاتــــــي
خذتي الهوى لعبه على ما تحبين ......لين عصفت بالهوى عاصفاتـــي
من زينك يا بنت بالشعر تزيين ............ من صورك بابياته الطايلاتـــي
انا من غرامي قلت كانك تذكرين ...... قلت الخجل صاب البدر من مناتـي
وصرتي بشعري في العذاري تباهين.تقولين انا شمس العصر في حلاتي
زينتك بشعري ولا غربك الزين ..........ما زانتك صبغات حمر الشفاتــــي
صورتك بالشعر حزام ورياحين .......واثرك هضاب وشوك ما به هداتـي
رسمتك سحابه خير قطر تنفين .........فزت لك الصحراء زهور ونباتـــي
رسمتك مهاه للجميله تقودين .............واثرك قطيعه وضيعتها الرعاتـي
واثرك غراب يوم سدل الجناحين ......كنت احسب اني شايف لي قطاتي
بالشعر غليتك على كل غاليين ...........واثرك دنيه وتعشقين الدناتـــي
وبالشعر عاتبتك عتاب المحبين .........انا من يسوم الروح لك يا غناتـي
توسلت لك خايف على حب عامين .......عامين لكن في حسابي مئاتــي
ناديت لكن لي ابد ما تسمعين ...........عمري وروحي فكري في ثباتي
حذراك للشينات عمري تماشين ............عديمات اصل اخلاقهن دانياتي
غاب الولي عنهن ولعبن بحبلين ................يا خس واليهن وخس الولاتي
ما همهن في الناس زين ولا شين ...........وقلوبهن من حقدهن مظلماتي
وقلتي وربك لو يكونا ملايين ..............ما غيرن بالطباعهن من سماتي
تحسبين انك بالمهافه ترقين .................كيف الصعود يكون للهاوياتي
وخنتي وبعتي كل عهد وايامين ............ما عاد يفرق بين ماضي واتي
وصرتي مثل غيرك برخص تبيعين .........يا مرخصتني ما بقى لك غلاتي
صبري نفذ واليوم ثارت براكين .............مظلوم انا وباكر تحل ادعواتي
سمعي عسى من بعدها ما تسمعين ...سمعي دعا من صار قلبه حصاتي
ادعي عسى من ناضرك ما تشوفين ......وتطحن بك الايام طحن الرحاتي
وعساك عوق منه ما عاد تبرين ..............عوق تشافق له قلوب العداتي
ويالله عسى يحتار فيك المداوين ...........تبين الممات ولا يجيك المماتي
ويالله عسى كف الندامه تعضين ..............تندمين يوم انه يفوت الفواتي
وتبكين دم يسيل من مقلة العين .............وتحتار أمـك عن عناك وتحاتي
عسى ما تلاقي من له القلب تهدين .....وان حصل ادعي عساك الشتاتي
يا بلوة اللي وسط بيته تعيشين ..........ساهي وحوله شب جمر الغضاتي
عسى بعمرك ساعه ما تهنين ..............وتمضي حياتك بين هم وشقاتي
يا بنت قلبي وين مثله تلاقين .................قلبا عطاك الحب ما قال هاتي
جيتك وروحي شلتها لك بكفين ............وفي التاليه رمح الخيانه جزاتي
يالله عساك النار يا أم وجهين ................كله انكشف لا ما تفيد العباتي
ويالله عسى تلبسك جن وشياطين .....وتكونين مدعاة الحكي والشماتي
يا حية رقطا تقود الثعابيـــــــــــن .........باكر تحن ايـامــك المعتمـــــــاتي
وباكر على فعلك بمثله تجازين ..............ظلم المشاعر ما تحكمه قضاتي
بيني وبينك تحكم ايام وسنين ............وانا شاهدي قلبا من الغدر ماتي
ويا دمعة التمساح لالا تذرفين .................العيون رغم ادموعها كاذباتي
لا ما عرفتي الحب لا ما تحسين .............وغدرك تعدى غدر ذيب الفلاتي
الذيب يعوي قبل يغدر بمسكين ........وانتي غدرتي خافقي في سباتي
لو كان غدرك في كفوف الموازين ......لكان رجح كل غــــــــــدر البناتي
انتي السبب سقتي على القلب .......جرحين غدر الغرام وموجع الذكرياتي
وانتي السبب واليوم لالا تلومين ....... وان جاك باكر شوفي اشلون يأتي
والله لاكتب وافضحك في دواوين .........وارقص واغني يوم خبر الوفاتي
وارسم لاهل العشق قلبا وسهمين ............وقصة خيانه ما روتها الرواتي
ويمين لانشر فوق اسمك عناوين ........واشهرك من قاصي اليمن للفراتي
ومن غرب هالدنيا الى قاصي الصين .....ديوان غـدر فيه كل اللغـــــــاتي
والبادي اظلم سنة العين بالعين .............والا فذي لا عادتي ولا صفاتي
ويا شبه انسانه برأس ورجلين .............اعوذ بالرحمن منك بصـــــــلاتي


اتمنى عجبتكم


خاالص تحياتي ..

عبودي..

[Ŝћģăωť Āņţĥą]

..:: I love me ::..

قصيده رائعه عن الخيانه

يعطيك الف عافية يالغالي

صح السان شاعرها وسلمت يد ناقلها

لاخلا ولاعدم يالغالي

مع حبي

[..:: I love me ::..]

تسلم اخووي ومشكوور على تشريفك لناا





تحياتي

.... عبودي

[• ღ سـمـو الـروح ღ •]

انتي السبب سقتي على القلب .......جرحين غدر الغرام وموجع الذكرياتي
وانتي السبب واليوم لالا تلومين ....... وان جاك باكر شوفي اشلون يأتي
والله لاكتب وافضحك في دواوين .........وارقص واغني يوم خبر الوفاتي
وارسم لاهل العشق قلبا وسهمين ............وقصة خيانه ما روتها الرواتي
ويمين لانشر فوق اسمك عناوين ........واشهرك من قاصي اليمن للفراتي




..:: I love me ::..


يسلم قلبك قبل قلمك يالغالي

قد عطرت الصفحات بهمساتك

وكلاماتك واشعارك الجميله

ربي لايحرمنا منك يالغالي

ولا يحرمنا من روعة طرحك

بوراشــــــــــ@

[تبكــــي الطيـــــور]

يعطيك الف عافية يالغالي